Asteburu honetan, Amezketako haurrentzako parkeak egoera onartezina aurkeztu du: zaborra eta pipa-azalak lurrean sakabanatuta aurkitu dira. Hau ez da kasu isolatua, eta azkenaldian ohiko bihurtzen ari den portaera desegokia da. Gainera, hondakin hauek ume txikientzat arrisku larria suposatzen dute, batez ere azalak irensteko edo itotzeko arriskua dela eta.
Hondakinak lurrean botatzea ez da soilik haurrentzat arriskutsua, baizik eta onartezina eta guztiontzako espazio publikoen erabilera desegokia ere bada. Parkeak guztion gozamenerako guneak dira, eta denon ardura da espazio horiek txukun eta seguru mantentzea. Zaborrak lurrean uzteak beste erabiltzaileenganako errespetu falta handia erakusten du eta herriaren irudia kaltetzen du.
Parkearen garbitasuna eta segurtasuna guztion esku dago, eta horretarako beharrezkoa da jokabide arduratsuak izatea:
- Zaborra dagokion edukiontzira botatzea, edo hurbilen dagoen zaborrontzi batera eramatea.
- Ez uztea pipa-azalak edo bestelako hondakinak lurrean.
- Errespetua izatea gune publikoa erabiltzen duten guztienganako.
Udalak dei egiten die herritar guztiei parkeak garbi eta seguru mantentzeko. Ekintza onartezin hauek geldiarazteko guztion lankidetza ezinbestekoa da. Zaintzen dugun guztia guztiontzat hobea izango da!
