Haurreskolako zorua berritzeko lanak egin ditu Udalak, instalazioen egoera hobetzeko eta hezetasunak sortutako arazoei irtenbidea emateko.
Zorua berritzeaz gain, material bereko frisoa ere jarri da, Haurreskolako espazioak babestu eta akabera hobetzeko.
Lan hauei esker, Haurreskolako espazioak egoera hobean geratu dira, eta haurren zein langileen eguneroko jardunerako ingurune egokiagoa, zainduagoa eta erosoagoa eskaintzen dute.
Udalak udalerriko espazioen mantentze eta hobekuntzarekin duen konpromisoari eusten dio, bereziki haur txikien zaintza eta arreta bideratzen duten guneei dagokienez.
