Amezketako udalerrian hondakinen tratamendua hobetzeko kontenedore desberdinak daude, gaikako bilketa sustatzeko eta ahal den zerbitzu garbiena eta txukunena eskaintzeko amezketarrei.
Azken egun hauetan, ordea, zenbait erabiltzaileren jarrera desegokia dela eta, herriko hainbat bilketa puntutan, edukinontzietatik kanpo zabor ugari agertu da.
Ontzi arinak eta papera eta kartoiak, dagozkion edukinontzietan sartu behar dira, horretarako prestatuta daukaten ahoa erabiliz.
Herrian dauden edukinontzietarako egokiak ez diren zaborrak kudeatzeko modu ezberdinak daude, esaterako, hilero bi alditan, altzari eta traste zaharren bilketa berezia egiten da. Hilaren lehen eta hirugarren astelehenean traste zaharrak zaborbilketa gunera atera behar dira, aurrez 943676216 telefonora deituz eta bilketa hurrengo egunean, asteartean, egingo da. Hemen jarraian Amezketan dugun bilketa zerbitzuari buruzko xehetasun gehiago.
Erabiltzaileren bati eguna egoki ez baletorkio, gogorarazi baita ere, Andoaingo Garbigunea astelehenetik larunbatera zabalik egoten dela eta bertan utzi daitezkela zabor desberdinak; han ere, bakoitza dagokion edukinontzira botaz, noski. Jarraian Garbiguneei buruzko informazioa:
Ohar honekin batera argazki batzuk doazkizue, aipatutako jarrera desegokiak agerian jartzen dituztenak, herritar guztiok honen inguruko hausnarketa bat egin dezagun. Izan ere, zaborrak behar ez den eremuan uztea, udalarekiko eta beste herritarrekiko errespetu falta izugarria da.
Horrelako jarrerak berriro ez errepikatzea espero dugu.
