Amezketako Udalak San Martin parkean taberna gisa etxola bat jarri eta ustiatzeko baimena emateko deialdia zabaltzen du.

Hona hemen deialdiaren puntu nagusiak:

– Operazioaren berezitasunagatik, esleipena egiteko garaian, lehentasuna emango zaie gutxienez azken urte osoan zehar Amezketan erroldatuta dauden eta ostalaritzan esperientzia duten lehiatzaileei.

– Kontratuak 2021eko ekainaren 18tik 2021eko urriaren 31 bitarteko iraupena izango du.

– Eskaintzak Udalaren sarrera erregistro orokorrean eskuz aurkeztuko dira, bulego ordutegian (8:00etatik  15:00etara) 2021eko maiatzaren 31tik ekainaren 4 bitartean, biak barne.

– Lizitatzaileek gutunazal bat aurkeztu beharko dituzte itxita. Gutunazalean honako hau idatziko da: “SAN MARTIN PARKEKO ETXOLAREN KONTRATUA”.

Gutunazal bakoitzean proposamena izenpetzen duenaren izen-abizenak jarriko dira eta izenpetuta egongo da. Hona hemen gutunazalean aurkeztu beharreko agiriak:

  1. Lizitatzailearen nortasun-agiri nazionala.
  2. Oinarri hauen I. Eranskina ondo beteta.
  3. Agiri honetako 14. klausulako hizkuntza baldintzak betetzen direla ziurtatzeko agiriak edo euskararen maila egiaztatzeko elkarrizketa egin nahi duela jasotzen duen adierazpena.
  4. Ostalaritzan lizitatzaileak duen eskarmentua. Eskarmentu hau honela baloratuko da: ostalaritzan lan egindako hilabete bakoitzeko 0,05 puntu baloratuko da, gehieneko puntu mugarik gabe.

– Etxola jendearentzat irekita eta zerbitzua emateko moduan eduki beharko du:

  • Derrigorrezko epea: 2021eko ekainak 18etik 2021eko irailak 26 arte.
  • Borondatezko epea: 2021eko irailak 27tik 2021eko urriak 31 arte.

-Jendearentzako zerbitzu ordutegia: 11:00etatik 22:00etara bitartean. 23:00etarako dena jasota egon behar du.

– Aipatutako jarduera egiteko indarrean dagoen araudian baimendutako EDARIAK ETA JANARI ONTZIRATUAK SOILIK salduko dira instalazioan, eta ez bestelako produkturik.

-Aldi berean, San Martineko komuna, etxola ingurua eta parke eremua egunero txukun-txukun garbituta laga beharko da, esleipenaren jardueratik sortutako hondakinak bilduz.

Informazio gehiagorako, begiratu deialdian:

SAN MARTIN ETXOLA DEIALDIA