12-18 urte bitarteko nerabeentzat Gaztelekuko zerbitzuak ateak irekiko ditu. Irekiera eguna irailak 26 arratsaldeko 16:30etan izango da. Bertan, ikasturteari hasiera eman eta aurreko ikasturteko bideoa proiektatuko da. Ordutegia mantendu egingo da, astelehenetik-ostiralera 16:30etatik-19:30etara bitartean.
Zerbitzuan izen-emateko epea urriak 4a izango da. Izen-ematea burutzeko bi aukera daude. Batetik, Gaztelekuan bertan, bestetik, hemen beheko fitxa deskargatu eta behar bezala bete ondoren Gaztelekura eramanda.