Ostegunean, ekainak 15, arratsaldeko 7etan eta Kultur Etxeko aretoan, Ahoztar Zelaieta Zamakonak idatzi duen Diagnóstico Tolosaldea. La privatización de la sanidad en el oasis vasco liburua aurkeztuko du eta herritarrak gonbidatuta daude bertaratzeko.
Liburuaren erreseinak honela dio:
Euskadiko oasiaren koroako harribitxia, Osakidetza, gainbeheran doa, eta osasun publikorako eskubidea mehatxatzen duen faktoreetako bat sektore pribatuarekin osasun-zerbitzuak ituntzea da. Gipuzkoa da hitzarmen-bolumen handiena duen lurraldea, eta, esparru horretan, Tolosako Asuncion klinika nabarmentzen da. Zentro pribatu horri 71 milioi euro eman dizkio Osasun Sailak 2019tik 2022ra. Tolosaldea eskualdeko erreferentziazko osasun-zentroa da, 65.000 biztanletik gorakoa, eta osasun publikoaren inguruko krisiaren sintoma bat da han gertatzen dena.
Ikerketa honetan, Ahoztar Zelaietak Osakidetzaren eta Asuncion klinikaren arteko 80ko hamarkadako hitzarmenaren jatorria deskribatzen du, baita akordio horren ondoren sortutako negozioa ere; ate birakariak eta ustelkeria gertakariz zipriztindutako klientelismoa; sindikatuen salaketekin, oposizio politikoarekin eta mobilizazio sozialarekin batera.