Aurreko urtean herriko gazteekin ibilbide berri bat hasi genuen. Gazteek elkartzeko leku on baten beharra eta herrian gauzak antolatzeko gogoa adierazi zituzten, eta lanketa horren ondoren etorri zen Amezketako Gazte Taldea. Udalak elkartzeko lokal on bat utzi die, eta aurreko urtean ekintza asko antolatu zituzten gazteek. Bide horri jarraituz, aurten ere ekintzak antolatzen jarraitzeko asmoa du gazte taldeak, eta oraingoan Aburuza sagardotegira irteera antolatu dute. Irteera herritar guztiei irekia da, eta martxoaren 4rako antolatu da bazkaria. Tiketak herriko tabernetan eskuratu daitezke.
