Duela gutxi zabaldu genuen ikastaro eskaintza haundituz doa, beste ikastaro berri bat antolatuko da herrian, Buruntzunzin Mendi Elkartearen eskutik.
Buruntzunzin Mendi Elkartearen helburu nagusienetako bat mendizaletasuna bultzatzea dela kontuan izanik, pauso berri bat emango du eta eskalada ikastaroak jarriko ditu herrian bertan. Amezketako rokodromoan eskainiko dira ikastaro hauek, eta adin ezberdinentzat egokituta egongo dira. Urriaren 2an proba gisara irekiko da eta nahi duten haur guztiek bertaratu ahal izango dute rokodromora hurrengo ordutegiarekin:
– 16:00-17:00 LH1-LH3
– 17:00-18:00 LH4-LH6
– 18:00-19:00 DBH1-DBH4
Urriaren 9tik aurrera ikastaroak martxan jarriko dira eta ordutegiak izen ematearen arabera antolatuko dira. Izena eman nahi duenak 620 81 87 29 telefonora idatzi behar du.